بلاشبہ جس کام کی نسبت کاملین کی طرف ہو اس کو مقبولیت حاصل ہوتی ہے۔ معاملات و معمولات کا دارومدار اللہ رب العزت کے فضل و کرم ہی پر ہوتا ہے۔ بلاشبہ ختم قادریہ شریف کی نسبت حضور غوث پاک رضی اللہ تعالیٰ عنہ کی طرف ہے، صدیوں سے صالحین کے معمولات میں شامل رہا ہے اور اس کی بے شمار برکتیں ہیں۔ اس کے ورد سے بے نمازیوں کو توبہ کی توفیق نصیب ہوگئی، نماز تہجد کے پابند ہوگئے، رشتوں کی رکاوٹیں دور ہو جاتی ہیں، روزی میں برکت اور حصول میں آسانی فراہم ہو جاتی ہے، اثراتِ بد اور بد نظری کا خاتمہ ہوجاتا ہے۔ بیماریوں سے شفا پانے، بلاؤں کو دور کرنے، مشکلوں کے آسان ہونے، قیدیوں کی رہائی اور قرض سے چھٹکارہ پانے کے لیے ورد کیا جائے۔